Nga raketat në spital. Raportonte për bombardimet, gazetari njoftohet në luftë se u bë baba

Nga A2 CNN
13 Tetor 2023, 09:55 | Bota
Nga raketat në spital. Raportonte për bombardimet, gazetari njoftohet

“Mes luftës, nis edhe jetë e re. Na lër të dëgjojmë zërin tënd, babi yt është këtu”. Me këto fjalë i është drejtuar të birit, të sapoardhur në jetë, gazetari i agjencisë së lajmeve Reuters në Gaza, Mohammed Salem, i cili mësoi lajmin se foshnja e tij po vinte në jetë, teksa mbulonte bombardimet e Izraelit në Gaza.

Nga xhirimi e raportimi i raketave të çdo ore, shkatërrimit e funeraleve, Salem e gjeti veten brenda pak minutave në spitalin e Al Sahaba në maternitetin e qytetit të Gazës dhe veten e gjeti duke filmuar të birin, Abdullah.

39-vjeçari thotë se i mjaftuan pak sekonda me të, për të kuptuar se tashmë lufta duhet të përfundojë dhe objektiv i kamerës së tij tashmë është i porsalinduri.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Loneta Progni