Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 13%
  • Kujdesi familjar 75%
  • Ndikimi i shoqërisë 13%

Bindin edhe “rezervat” e Sylvinhos, Shqipëria mposht Bullgarinë

Nga A2 CNN
17 Tetor 2023, 18:04 | Futboll
Bindin edhe “rezervat” e Sylvinhos, Shqipëria mposht

Gjashtë ndryshime nga formacioni i titullarëve që mposhtën 3-0 Republikën Çeke dhe Shqipëria e Sylvinhos tregon se di të fitojë edhe me rezervat.

Në pjesën e parë vetëm Bajrami, Asani, Ajeti, Mitaj dhe Asllani nga skuadra që dhuroi fitoren elektrizuese të pesë ditëve më parë zbritën në fushë, por kuqezinjtë shkuan në dhomat e zhveshjes me avantazhin e një goli, të shënuar nga Qazim Laçi në minutën e 41-të.

Mesfushori i Sparta Pragës shfrytëzoi më së miri një aksion perfekt të nisur nga këmbët e Mario Mitaj dhe që u kthye në asist nga Myrto Uzuni, për të mposhtur portierin Mitov.

Në pjesën e dytë kuqezinjtë rritën presionin përballë bullgarëve, por goli i dytë dhe i qetësisë në këtë miqësore erdhi vetëm në minutën e 81-të.

Ernest Muçi shpalosi klasin që ka treguar te Legia e Varshavës, duke shënuar një gol spektakolar nga jashtë zone.

Mjaftuan golat e dy futbollistëve të stolit rezervë për të mposhtur Bullgarinë dhe për të treguar se kombëtarja e Sylvinhos është e kompletuar, duke kryesuar me meritë edhe grupin E të kualifikueseve për Europianin 2024.

A2 CNN Livestream

Ditari nga Denisa Pasholli