Ferrari, Rolls-Royce e Bentley, çfarë fshihet në garazhet e oligarkëve të arratisur në Moskë?

Nga A2 CNN
30 Janar 2024, 09:25 | Lifestyle

Ferrari, Rolls-Royce, Bentley dhe Lamborghini luksozë, janë në mesin e makinave të shtrenjta që gjenden të braktisura në garazhet e Moskës.

Makinat janë braktisur në parkingjet nëntokësore të Moskës, pasi oligarkët rusë u larguan nga vendi që nga nisja e luftës në Ukrainë ose vdiqën, shpesh në rrethana misterioze.

Një situatë e ngjashme vërehet edhe në Shën Petersburg.

Në një video të publikuar nga YouTuber-i i njohur Khavr, i cili arriti të depërtojë në nëntokën shumëkatëshe të qytetit, shihet se ai ka zbuluar “një thesar” të vërtetë.

Të parkuara e të veshura me perde pluhuri nuk janë vetëm Rolls-Royce me vlerë mbi 500 mijë euro të prodhuara me porosi, por edhe bizhu nga e kaluara si Lamborghini LM002, SUV-i i parë në historinë e firmës italiane të automobilave, i prodhuar viti 1986.

A2 CNN Livestream

A2 Business