Sondazh: A kujdeseni për datat e skadencës së produkteve ushqimore?
  • Gjithmonë 69%
  • Rrallë 19%
  • Asnjëherë 13%

Si të silleni në një restorant me yje Michelin?

Nga A2 CNN
25 Janar 2024, 21:41 | Lifestyle

Si të silleni në një restorant me yje Michelin?

Nëse keni mundësinë të hani në një restorant që ka marrë një ose më shumë yje Michelin, rregullat e sjelljes së mirë, të vlefshme në çdo rast duhet të përshtaten me vendin.

Sjellja e çdo klienti luan një rol vendimtar për t'i garantuar të gjithëve përvojën e këndshme dhe të rafinuar gastronomike të premtuar.

Nga rezervimi në faturim, po ju sjellim një manual të vogël se si të silleni në një hotel me yll Michelin.

Si të silleni në një restorant me yje Michelin?

Rezervimi i detyrueshëm

Mos u shfaqni kurrë në lokal pa rezervuar, në mënyrë që të mos lini përshtypje të keqe. Duhet të telefononi paraprakisht për të garantuar një vend. Duke marrë parasysh që shumë restorante me yje shpesh kanë lista të gjata pritjeje.

Si të visheni për të shkuar në një restorant me yje

Përsa i përket veshjes, dijeni se duhet të visheni në mënyrë të përshtatshme dhe elegante, pa e ekzagjeruar. Në disa vende specifikohet edhe kodi i veshjes, përndryshe mund të pyesni kur të rezervoni.

Si të silleni në një restorant me yje Michelin?

Intolerancat dhe alergjitë

Nëse keni intolerancë dhe alergji, deklaroni para se të porosisni. Nëse janë alergji komplekse, është më mirë t'i specifikoni me email një ditë më parë ose në momentin e rezervimit.

Celular dhe biseda

Heshtni ose më mirë fikeni celularin përpara se të hyni në restorant dhe mos e vendosni kurrë në tavolinë. Mbani bisedat në një volum të matur për të ruajtur atmosferën e dhomës. Në këtë drejtim, shmangni edhe ngritjen e dollive me zë të lartë.

Menaxhimi i takëmeve dhe gotave

Ndiqni rregullat bazë për rregullimin e takëmeve dhe përdorimin e gotave. Peceta shkon në prehër dhe pirunët e përdorur në pjatat përkatëse ose brenda pjatës. Në lidhje me këtë, është e dobishme të dini se piruni në pjatën tuaj në orën 4:40 do të thotë se nuk e keni përfunduar ende porosinë. Ndërsa në 4.20 tregon se kamerieri mund ta heqë.

Si të silleni në një restorant me yje Michelin?

Fotografitë dhe mediat sociale

Do të ishte më mirë të mos i bëni ato, por nëse vërtet nuk mund të bëni pa to, kërkoni leje fillimisht nga darkuesit aty pranë për të respektuar privatësinë e tyre. Në çdo rast, shmangni përdorimin e blicit të kamerës, i cili është vërtet i bezdisshëm. Ndalohet postimi i fotove në rrjetet sociale në të cilat mund të shihni fytyrat e njerëzve të tjerë të ulur në tavolinat e restorantit.

Faturë dhe bakshish

Kontrolloni me kujdes faturën tuaj përpara se të paguani për të shmangur keqkuptimet dhe/ose argumentet e turpshme. Më mirë të paguani me kartë dhe jo me para në dorë. Për më tepër, është praktikë e mirë t'i lini një bakshish të duhur kamerierit që ju ka shërbyer në bazë të shërbimit të marrë.

Dalja dhe reagimet

Largohuni nga restoranti në mënyrë diskrete dhe me respekt ndaj klientëve të tjerë. Dhe, vetëm nëse kërkohet, jepni reagime konstruktive.

A2 CNN Livestream

Dita jonë