Gratë ankohen për “ngacmim nga qimet”, burrat në Tokio të Japonisë me të shkurtra në punë

Autoritetet e Tokios po inkurajojnë punonjësit që gjatë verës të shkojnë në punë me veshje më të lehta, përfshirë edhe pantallonat e shkurtra.

Masa synon t’i ndihmojë qytetarët të përballojnë temperaturat e larta dhe të ulë konsumin e energjisë.

Megjithatë, nisma ka shkaktuar debate, pasi disa e konsiderojnë të padrejtë ndaj grave, të cilat ende përballen me pritshmëri më të rrepta për mënyrën e veshjes në zyrë. Të tjerë janë ankuar edhe për atë që në Japoni po quhet “sunehara”, ose shqetësimi nga qimet e këmbëve të kolegëve meshkuj.

Sondazhet tregojnë se opinioni publik mbetet i ndarë, ndërsa nisma vjen në një periudhë kur Japonia po përballet me temperatura rekord të larta gjatë verës. (A2 Televizion)