Lidhja e barkut të madh me Alzheimerin

Nga A2 CNN
21 Nëntor 2023, 10:44 | Lifestyle

Lidhja e barkut të madh me Alzheimerin

Dhjami i tepërt në bark është një faktor rreziku për sëmundjet kardiovaskulare, diabetin e tipit 2 dhe siç del nga një studim i fundit gjithashtu edhe për Alzheimer. Obeziteti abdominal lidhet me ndryshimet në tru që favorizojnë Alzheimerin, 15 vjet përpara fillimit të simptomave të demencës.

Studime të ndryshme në të kaluarën e kanë lidhur obezitetin dhe mbipeshën me kushte si atrofia e trurit (d.m.th. reduktimi i përhershëm i indit të trurit) dhe me një rrezik më të lartë të demencës, por puna e re fokusohet në një lloj specifik të indit dhjamor, yndyrën e brendshme, e cila gjendet brenda dhe rreth organeve të brendshme të barkut.

Studiuesit nga Shoqëria Radiologjike e Amerikës së Veriut, (Radiological Society of North America) të cilët prezantuan zbulimin e tyre gjatë takimit të tyre vjetor, studiuan lidhjen midis këtij lloji të yndyrës dhe parametrave si vëllimi i trurit në MRI, ose prania e depozitave të proteinave beta të amiloideve ose tau të theksuara nga ekzaminimi PET (pozitron emission tomography). Grumbullimet e këtyre dy proteinave janë tipike për fazën fillestare dhe përfundimtare të sëmundjes Alzheimer.

Shkencëtarët përfshinë 54 vullnetarë të shëndetshëm midis moshës 40 dhe 60 vjeç me një indeks mesatar të masës trupore (një parametër që lidh masën trupore dhe lartësinë) prej 32 (obezitet i moderuar ). Vullnetarët iu nënshtruan një vlerësimi MRI të barkut të yndyrës viscerale, përveç skanimeve të trurit të përmendura më sipër.

Njerëzit që kishin një përqindje më të lartë të yndyrës së barkut, sesa yndyra nënlëkurore ose periferike, kishin depozitim më të madh amiloide në rajonin medial të korteksit parietal superior, një nga pjesët e para të trurit të prekur nga patologjia amiloide të Alzheimer. Lidhja ishte më e fortë te meshkujt. Për më tepër, nivelet më të larta të yndyrës së barkut ishin gjithashtu të lidhura në përgjithësi me procese inflamatore më të theksuara në tru.

Ekspertja e neuroimazhit në Universitetin e Uashingtonit në St. Louis dhe autore e studimit Mahsa Dolatshah, deklaroi se: “Sekrecionet inflamatore të prodhuara nga yndyra viscerale ose e barkut – në krahasim me efektet mbrojtëse të yndyrës nënlëkurore, mund të shkaktojnë inflamacion në tru, një mekanizëm kryesor që kontribuon në sëmundjen e Alzheimerit. E gjithë kjo tashmë është e dukshme rreth moshës 50-vjeçare, 15 vjet para fillimit tipik të sëmundjes.

A2 CNN Livestream

A2 Sport