Berisha: Kemi objektiv trefishimin e rrogave të ulëta

Nga A2 CNN
20 Mars 2023, 12:38 | Politikë
Berisha: Kemi objektiv trefishimin e rrogave të ulëta

Në një konferencë për mediat, këtë të hënë, Sali Berisha ka akuzuar Ramën se po përdor qindra milionë euro për qëllime elektorale.

Më tej, ai u shpreh se PD-ja jo dyfishimi i rrogave, por trefishimi do të jetë objektivi numër një i qeverisjes së PD-së.

“PD-ja denoncon të turpshme, antiligjore, antikushtetuese përdorimin e qindra milionë eurove për qëllime elektorale nga Edi Rama.

Garantoj qytetarët se jo dyfishimi i rrogave, por trefishimi do të jetë objektiv numër një i qeverisjes së PD-së.

Por rritjet e rrogave, në asnjë vend të lirë, nuk bëhen para zgjedhjeve, para votimit të qytetarëve.

Ai që bën një akt të turpshëm është një kriminel elektoral, një bandit i vërtetë, një mashtrues ordiner.

Pagat e ulëta duhet të dyfishohen dhe ne i garantojmë të gjithë punonjësit që pagat në të gjithë piramidën shtetërore do të dyfishohen.

Por këto akte nuk merren kurrë me qëllim për të ndikuar votën e qytetarëve.

Thirrja e tij për rritjen e rrogave të ulëta është një demagogji, pasi ajo nuk bëhet me vullnet, ajo është një thirrje thjesht propagandistike.

PD-ja do të depozitojë në parlament ligjin për dyfishimin e rrogave të ulëta si akt i parë.

Ky ligj do jetë i detyrueshëm për çdo institucion të këtij vendi, për çdo sipërmarrje të këtij vendi.

Ne këto veprime nuk i bëjmë për propagandë, ne i bëjmë se kemi bindje se një ndëshkim madhor më kryesor i këtyre 9 viteve ka qenë ngrirja e rrogave dhe pensioneve, de facto ulja e frikshme e tyre për shkak të inflacionit”, tha Berisha.

A2 CNN Livestream

Ditari nga Erion Dushi