Zgjerimi i vatrave të gripit të shpendëve edhe në qarkun e Vlorës duket se nuk ka përkeqësuar situatën e përhapjes së këtij virusi te shpendët që mbahen në oborre, fermat dhe stabilimentet e këtij qarku.
Punonjësit e drejtorisë së shërbimit veterinar në Vlorë kanë kryer menjëherë asgjësimin dhe groposjen e disa shpendëve ku u konstatua rasti pozitiv, duke dezinfektuar vendin dhe duke vendosur karantinën e një distance prej 3 kilometrash.
Sipas drejtorit të shërbimit veterinar në qarkun e Vlorës, rasti i shfaqur te një patë në fshatin Aliban ka qenë i vetmi dhe se na kontrollet dhe raportimet e bëra në të gjithë qarkun, nuk ka shenja për vatra të tjera të virusit të shpendëve.
Sipas drejtuesit të shërbimit veterinar në Vlorë, Adil Kojdheli, dëmi më i madh në këtë epidemi po i shkaktohet fermerëve, që po humbasin edhe shpendë që nuk janë të infektuar, por që kanë qenë pranë shpendëve të rezultuar pozitiv. Gjithashtu, edhe në qarkun e Vlorës është vërejtur një ulje e ndjeshme e tregtimit të mishit të pulës për shkak të panikut, edhe pse autoritetet sigurojnë që nuk ka asnjë rrezik të kalimit të virusit nga shpendët te njeriu. (A2 Televizion)
A2 CNN Livestream
MUND TE LEXONI GJITHASHTU
