Andres Iniesta, i përlotur ka njoftuar se po largohet nga skuadra japoneze “Vissel Kobe” gjashtë muaj para përfundimit të kontratës, pasi trajneri e uli në stol duke e aktivizuar si titullar vetëm tri herë këtë sezon.
Megjithatë, ikona e Barcelonës planifikon të vazhdojë karrierën e tij
I pyetur se ku mund të luajë, ai u përgjigj: “Duhet t'ju them të vërtetën, nuk e di”.
“Dua të vazhdoj të luaj futboll. Ndjehem sikur jam i aftë të luaj akoma. Por ndërsa mbyllet ky kapitull, do të shohim se çfarë është e mundur. Dua ta përfundoj karrierën time në fushë duke luajtur dhe kjo është ajo që shpresoj të bëj”, shtoi ai.
Mungesa e minutave e ka detyruar Iniestën të largohet nga klubi, duke qenë se ai ka luajtur vetëm tri herë në ligë dhe dy herë më shumë në kupë këtë sezon.
“Prioritetet e trajnerit (Takayuki Yoshida) janë të ndryshme, dhe unë e respektoj dhe e pranoj këtë”, tha Iniesta.
Raportet e fundit e kanë lidhur atë me një kontratë në Lindjen e Mesme, por pa detaje rreth klubeve.
“Është një ditë shumë emocionuese pas kaq shumë vitesh”, tha ai. “Unë u përpoqa të jap më të mirën time brenda dhe jashtë fushës. Jam shumë krenar për këtë”.
Ish-mesfushori i Barcelonës, i cili mbushi 39 vjeç në fillim të këtij muaji, iu bashkua Kobe në vitin 2018 pas një karrierë të shkëlqyer në klubin katalanas ku fitoi 30 trofe. (A2 Televizion)
A2 CNN Livestream
MUND TE LEXONI GJITHASHTU
