Dritë jeshile për tratativën e Inter me Bayern Munchen për transferimin e Benjamin Pavard në Milano.
Zikaltërit kanë arritur marrëveshje me bavarezët për mbrojtësin 27-vjeçar francez, mbi bazën e 30 milionë eurove plus dy bonuse.
Në këtë pikë vizitat mjekësore mund të planifikohen të mërkurën dhe Pavard mund të jetë gati për të zbritur në fushë në sfidën e radhës të Interit në Serie A.
Bayern ka ulur kërkesën fillestare prej 35 milionë euro, të nxitur edhe nga vullneti i fortë i lojtarit për t'u larguar nga klubi.
Gjigandët gjermanë tashmë po kërkojnë zëvendësuesin e francezit dhe kanë identifikuar Lutsharel Geertruida të Feyenoord si pasuesin e mundshëm.
Pavard largohet kështu nga Mynihu pasi ka fituar 4 kampionate gjermane, një Champions League dhe një botëror për klube.
MUND TE LEXONI GJITHASHTU
