Kjo është një ndër rrugët kryesore të Elbasanit e njohur si rruga e re e trenit, që lidh stacionin e trenit me qendrën e qytetit. Por gjendja në të cilën është katandisur nuk ka lidhje fare me emërtimin që ka marrë.
Pas disa qepjeve e shqepjeve të kryera ndër vite, së fundmi ujësjellësi e hapi sërish rrugën që vjen nga stacioni i trenit drejt qendrës së Elbasanit, për shkak se duhej të vendoseshin tubacione të reja.
Pas më shumë se katër muaj punimesh, riparimi që iu bë rrugës, e cila në letra është rikthim në gjendjen e mëparshme, është në këtë gjendje.
Atje ku asfalti nuk është zhytur apo ngritur, është kthyer në zhavorr.
As bashkisë dhe as ndërmarrjes së ujësjellës-kanalizimeve duket se kjo rrugë nuk u vret as sytë as fondet që janë hedhur për të.
Një tjetër rrugë problematike në Elbasan është dhe unaza jugore e qytetit në pikën ku po kryhen punime për një nënkalim. Për mjete që vijnë nga juglindja është vetëm ky sinjalizimi disa metra para devijimit dhe më pas përballesh me blloqet e betonit dhe devijimin e rrugës.
Në këtë segment, kalimi është akoma më i rrezikshëm gjatë natës, ndërsa rruga është pjesë e aksit nacional që lidh Shqipërinë e Mesme me gjithë juglindjen e vendit dhe rrugët ndërkombëtare me Greqinë dhe Maqedoninë e veriut. (A2 Televizion)
A2 CNN Livestream
MUND TE LEXONI GJITHASHTU
