Kinematografia në zi, ndahet nga jeta regjisori fitues i çmimit “Oscar”

Nga A2 CNN
23 Mars 2023, 09:01 | Aktualitet

Një lajm i hidhur erdhi nga regjisori i famshëm Peter Werner, i cili mësohet se u dërgua në spital pas këputjes së aortës, ndërsa ka ndërruar jetë pak minuta më pas, si pasojë e komplikimeve kardiake.

I lindur në Nju-Jork, regjisori 76-vjeçar xhiroi filmin e tij të parë në vitin 1971 pas përfundimit të diplomës universitare dhe pasuniversitare në prodhim dokumentar.

Werner, i cili fitoi një Oscar në kategorinë "Filmi më i mirë i shkurtër" në 1976 për filmin e tij të shkurtër "In the Region of Ice", u nominua për Emmy Awards 4 herë për produksionet e tij të suksesshme.

Pete Werner ishte i njohur për seritë televizive si "Moonlighting" me protagonist Bruce Willis, "Proof", "Bull", "Grimm", "Outsiders" dhe "Ice".

Regjisori i famshëm ka drejtuar edhe shumë filma televizivë si "LBJ: The Early Years", i cili tregon jetën e presidentit të 36-të të SHBA-së, Lyndon Baines Johnson.

https://a2news.com/2022/09/13/kinemaja-ne-zi-ndahet-nga-jeta-regjisori-legjendar-i-filmit-francez-jean-luc-godard/
https://a2news.com/2022/12/18/arti-ne-zi-ndahet-nga-jeta-nje-nga-ikonat-e-baletit-shqiptar/
https://a2news.com/2022/07/24/muzika-italiane-ne-zi-ndahet-nga-jeta-vittorio-de-scalzi-themeluesi-i-nee-trolls/

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi