Mbushi Tiranën me dollarë falsë, pranga 37-vjeçarit me precedentë

Nga A2 CNN
3 Maj 2023, 09:00 | Kronikë
Mbushi Tiranën me dollarë falsë, pranga 37-vjeçarit me

Një 37-vjeçar është vënë në pranga nga policia e Tiranës, nën akuzën se kishte hedhur në treg në mënyrë të vazhdueshme kartëmonedha false.

Në kuadër të operacionit “Dollars”, i zhvilluar nga Seksioni për Hetimin e Krimit Ekonomik dhe Financiar, u bë i mundur arrestimi i shtetasit F. A., 37 vjeç, i dënuar më herët për vjedhje dhe mashtrim.

Ky shtetas dyshohet se ka hedhur vazhdimisht në qarkullim, në subjekte të ndryshme tregtare në Tiranë, kartëmonedha të prerjes 100-dollarëshe.    

Në cilësinë e provës materiale u sekuestruan kartëmonedha të prerjes 100 dollarë, të dyshuara të falsifikuara.  

Vijon puna për dokumentimin e plotë të veprimtarisë kriminale të këtij shtetasi.    

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli