Nga “ferri” në “parajsë”, Kumbulla shënon dhe kthehet në hero te Roma  

Nga A2 CNN
9 Mars 2023, 20:53 | Futboll

“Mirëserdhe Marash”. Mediat italiane e vlerësojnë maksimalisht performancën e mbrojtësit shqiptar Marash Kumbulla i cili shënoi sot në minutën 87 në ndeshjen që Roma fitoi 2-0 kundër Real Sociedad për Europa League.   

Goli tejet i vlefshëm për kualifikimin në çerekfinale erdhi me kokë, një nga pika të forta të mbrojtësit 23-vjeçar, që sheh sot një mundësi për të ndryshuar drejtimin e një sezoni deri më tani negativ.

Pikërisht dita e sotme dukej pika më e ulët e eksperiencës së tij me Romën, ku trajneri Mourinjo i kishte preferuar blerjen e fundit Llorente.

Por spanjolli u zëvendësua që në fillimin e pjesës së dytë, dhe shqiptari tregoi se mund të jetë një element cilësor i ekipit verdhekuq. Përqafimet e marra nga shokët e ekipit tregojnë se edhe ata besojnë në mbrojtësin kuqezi, që sot shënoi golin e dytë me këtë fanellë.

https://a2news.com/2023/03/09/europa-league-united-fiton-bindshem-juventusit-i-mjafton-di-maria/

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli