Sondazh: Të bëhesh i pasur në Shqipëri është:
  • E lehtë 10%
  • E vështirë 60%
  • E pamundur 30%

Risia teknologjike në Greqi, shërbim 24-orësh përmes AI për të ndihmuar qytetarët

Nga A2 CNN
4 Dhjetor 2023, 21:32 | Ballkani

Risia teknologjike në Greqi, shërbim 24-orësh përmes AI

Shërbimet për qytetarët grekë, së shpejti do të jenë të disponueshme për 24 orë në ditë, 365 ditë në vit përmes Inteligjencës Artificiale (AI). Këtë fakt e bëri me dije vetë zëvendësministri i Qeverisjes Digjitale, Konstantinos Kyranakis.

Më konkretisht, integrimi i “chatbot”-eve (aplikacione) të fuqizuara nga AI do t'u japë qytetarëve mundësinë të bëjnë pyetje dhe të marrin përgjigje, duke zgjidhur pyetjet e tyre për një sërë çështjesh, përfshirë të drejtat e tyre sipas ligjit, njoftojnë mediat greke.

“Greqia pritet të jetë, nëse jo e para, një nga vendet e para anëtare të BE-së që u ofron qytetarëve mundësinë për të biseduar me qeverinë nëpërmjet inteligjencës artificiale. Pjesëmarrja e qytetarëve në këtë mekanizëm të ri do të japë rezultate shumë më të mira në një kohë të shkurtër”, nënvizoi Kyranakis.

Sa i përket votës me postë, ai vuri në dukje se është një sistem që pritet të rrisë pjesëmarrjen në zgjedhje, për të lehtësuar kryesisht personat që ose janë jashtë vendit ose punojnë në baza sezonale larg zonës së tyre zgjedhore ose personat që kanë probleme lëvizëse, aftësi të kufizuara dhe përgjithësisht njerëzit të cilët për ndonjë arsye nuk mund të dalin në votime.

A2 CNN Livestream

Dita jonë