“Të formohet me kompetenca ekzekutive”, Serbia reagon ndaj SHBA: Asociacioni nuk do të jetë kurrë një OJQ

Nga Xhevahir Qardaku
9 Nëntor 2023, 15:49 | Ballkani



Serbia pretendon se nuk do të lejojë kurrë që Asociacioni i Komunave me shumicë serbe të jetë një organizatë joqeveritare. Këtë e deklaroi drejtori i të ashtuquajturës zyrë për Kosovën në qeverinë serbe, Petar Petkoviç, i cili kërkoi që të ketë kompetenca ekzekutive.

“Asociacioni është mekanizmi i vetëm për mbijetesën e popullit serb në Kosovë”, u shpreh ai.

Petkoviç shtoi më tej se ai duhet të formohet në përputhje me marrëveshjet e vitit 2013 dhe 2015, Kushtetutën e Serbisë, kartën e OKB-së dhe Rezolutën 12 44 të këshillit të sigurimit.

“Kushtetuta e Serbisë është e shenjtë. Nuk ka konferenca mediatike, as referenca në të ashtuquajturën Gjykatë Kushtetuese të Kosovës, e cila nuk ka besueshmëria jashtë kabineteve individuale apo ambasadave të huaja, që mund ta pezullojë ose anulojë atë”, tha Petkoviç duke reaguar edhe për deklaratat e ambasadorit amerikan në Prishtinë.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi