Kryespiuni serb jep dorëheqjen pas sanksionimit, Vulin: SHBA-BE po kërkojnë kokën time

Shefi i Agjencisë për Siguri dhe Informacion të Serbisë, Aleksandër Vulin, ka dhënë dorëheqjen.

“SHBA-ja dhe BE-ja po kërkojnë kokën time si parakusht për të mos vendosur sanksione ndaj Serbisë, unë nuk jam shkaktar i shantazheve dhe presioneve ndaj Serbisë dhe botës serbe, por nuk do ta lejoj veten të jem shkaktar i shantazheve dhe presionit ndaj Serbisë dhe botës serbe”, njofton Vulin përmes një deklarate zyrtare.

Dorëheqja e tij vjen pasi ish kryespiuni serb u vendos në listën e sanksioneve amerikane më 11 korrik. Sipas Thesarit të SHBA-ve, Vulin ishte përfshirë në afera korruptive për “të shtyrë përpara agjendat e tij politike dhe interesat e tij personale në kurriz të paqes dhe stabilitetit në Ballkanin Perëndimor”.

Sipas njoftimit, ai po ashtu ishte përfshirë në krim të organizuar transatlantik, përfshirë në trafikun e drogës.

“Na kërkohet të njohim Kosovën, të largohemi nga Republika Sërpska dhe të mos jemi vend dhe komb sovran duke vendosur sanksione ndaj Federatës Ruse”, thekson Vulin mes tjerash. (A2 Televizion)