Sulm me armë në Pallatin e Drejtësisë në Stamboll, ka të vdekur, vriten agresorët

Nga Xhevahir Qardaku
6 Shkurt 2024, 10:55 | Bota

Sulm me armë në Pallatin e Drejtësisë në Stamboll, ka

Një sulm me armë ka ndodhur në sheshin pranë Pallatit të Drejtësisë të Stambollit në Turqi. Policia ka ndërhyrë menjëherë në vendin e ngjarjes, duke bërë të mundur eliminimin e dy agresorëve.

Mësohet se një burrë dhe një grua nisën të qëllonin me armë në drejtim të kalimtarëve. Motivet e këtij sulmi nuk dihen ende.

Si pasojë e të shtënave me armë zjarri në sheshin para Gjykatës së Stambollit, 2 persona humbën jetën dhe 6 persona, mes tyre 3 policë, mbetën të plagosur.

“Përgëzoj policët tanë heroikë. I uroj shërim të shpejtë të plagosurve”, u shpreh ministri i Brendshëm i Turqisë.

Hetimet lidhur me atë që ndodhi po vijojnë, ndërsa mediat po raportojnë se dy personat që kryen sulmin janë anëtarë të Partisë Komuniste të Turqisë.

A2 CNN Livestream

Ditari nga Denisa Pasholli