Brazili regjistron temperaturën më të nxehtë në histori

Nga A2 CNN
21 Nëntor 2023, 11:24 | Bota

Brazili regjistron temperaturën më të nxehtë në histori

Brazili ka regjistruar temperaturën më të nxehtë në histori me 44.8 gradë celcius, ndërsa disa pjesë të vendit përballojnë një valë mbytëse të të nxehtit. Rekordi u godit të dielën në qytetin Araçuaí, në shtetin juglindor të Brazilit Minas Gerais.

Moti i paprecedentë i është atribuar fenomenit El Niño dhe ndryshimeve klimatike. Parashikuesit thonë se një pjesë e nxehtësisë ka të ngjarë të zbutet këtë javë.

Agjencia qeveritare tha se niveli i lartë i Araçuaí prej 44.8C kishte mposhtur rekordin e mëparshëm të vendit prej 44.7C, i matur në 2005.

Vapa ka shkaktuar alarm të kuq në të gjithë vendin, një muaj para fillimit të verës në hemisferën jugore. Temperaturat e larta bënë që Taylor Swift të anulonte një nga koncertet e saj në Rio de Zhaneiro, pasi një fanse u sëmur dhe vdiq para një shfaqjeje të premten.

Dy javë më parë, temperatura mesatare në vend kishte qenë mbi mesataren historike nga korriku deri në tetor. Moti ekstrem po bëhet më i shpeshtë dhe më intensiv në shumë vende të botës për shkak të ndryshimeve klimatike.

Ndërkohë, Toka është aktualisht në një fazë moti El Niño, kohë gjatë së cilës temperaturat globale zakonisht rriten.

A2 CNN Livestream

Ditari nga Bruna Çifligu