Kjo vogëlushe u soll në jetë nga trupi i një gruaje palestineze, e cila u va gjatë një sulmi të Izraelit në Rafah të Gazës.
Foshnja, e cila peshon 1.4 kg u soll në jetë me anë të një operacioni cezarian ndërsa nëna e saj, babai dhe motra e madhe u vranë gjatë sulmit.
Në sulmin që goditi dy shtëpi humbën jetën 13 fëmijë nga e njëjta familje.
Nëna e foshnjës, Sabreen al-Sakani ishte 30-javëshe shtatzënë. Në trupin e vogëlushes, e cila do të qëndrojë në spital për 4 javë, është vendosur një shirit në të cilin shkruhet: Fëmija e dëshmores, Sabrin El-Sakani.
“Pas 4 javësh do të shohim ku mund të shkojë ky fëmijë, me familjen, te tezja, xhaxhai apo te gjyshërit. Kjo është tragjedia më e madhe. Edhe pse mbijetoi, ajo erdhi në jetë jetime”, shprehet një nga mjekët që po kujdeset për të porsalindurën.
Motra e vogëlushes, e cila po ashtu humbi jetën në sulm, dëshironte që t’ia vinte emrin Rouh që në arabisht do të thotë “shpirt”. Malak ishte shumë e lumtur që motra e saj e vogël do të vinte së shpejti në jetë”, tregon xhaxhai i vajzave Rami Al-Sheikh.
Mbi gjysma e 2.3 milionë banorëve të Gazas janë dyndur në Rafah për t’u strehuar nga sulmet e Izraelit teksa luftimet mes dy palëve vijojnë në gjashtë muajt e fundit. (A2 Televizion)
A2 CNN Livestream
MUND TE LEXONI GJITHASHTU
