Hamas konfirmon se po zhvillohen negociata për lirimin e 12 pengjeve, prej të cilëve 6 amerikanë, në këmbim të 3 ditëve armëpushim. Këtë e raportojnë mediat ndërkombëtare, duke cituar burime pranë grupit militant palestinez.
Një zëdhënës i Hamas bën me dije se rruga e vetme për lirimin e pengjeve është përmes një marrëveshjeje që parashikon shkëmbimin e të burgosurve. TGCOM shkruan se në negociatat me palestinezët, janë përfshirë edhe karabinierë italianë që kanë shkuar në Izrael. Gjithashtu, Italia po dërgon dhe një anije-spital pranë brigjeve të Gazës për të trajtuar civilët e plagosur apo lënduar gjatë luftës.
Ndërkohë, Organizata e Kombeve të Bashkuara, gjithnjë e më shumë po ngre zërin në mbrojtje të civilëve palestinezë. Shefi i OKB-së, Antonio Guterres, thotë se vdekjet në Gaza tregojnë se ka diçka që nuk shkon me operacionin e Izraelit. (A2 Televizion)
A2 CNN Livestream
MUND TE LEXONI GJITHASHTU
