Iraku qorton Biden, Amerika lëshon sulme hakmarrëse pas vrasjes së ushtarëve

Nga Xhevahir Qardaku
8 Shkurt 2024, 14:14 | Bota

Bombardimet amerikane në Bagdad nuk do të jenë të fundit në hakmarrjen për sulmin që vrau 3 ushtarë të SHBA-së në kufirin e Jordanisë me Sirinë. Një zyrtar i qeverisë Biden, thotë se presidenti ka autorizuar më shumë aksione në ditët në vijim

“Mendoj që ky është vetëm fillimi i një lloji të ri shënjestrash. Do të synojmë drejtpërdrejtë kupolën”, tha Wesley Clark, gjeneral në pension, ish-komandant suprem i NATO.

Kataib Hezbollah konfirmon se një nga komandantët e tij ka vdekur, si rezultat i sulmit në Bagdad. Komanda Qendrore e SHBA-së thotë se ai ishte përgjegjësi për sulmin e militantëve të mbështetur nga Irani ndaj forcave amerikane në rajon.

“Ne zbuluam ku ai jetonte dhe si lëvizte, pastaj e hoqëm qafe. Të tjerët që punojnë kundër nesh duhet të presin të njëjtën gjë”, tha Clark.

Komanda operacionale e Irakut e quajti sulmin amerikan një agresion që minon mirëkuptimin mes aleatëve. Megjithatë, asnjë civil nuk është lënduar nga bombardimi, sipas Pentagonit.

“Shënjestrimi ishte shumë i saktë, duke përdorur inteligjencën më të mirë”, u shpreh Cedric Leighton, kolonel në pension, forcat ajrore të SHBA-së.

Komanda Qendrore e SHBA-së thotë se nuk do të hezitojë të sulmojë ata që rrezikojnë trupat amerikane.

“Kur themi paqe përmes fuqisë, nuk duhet të harrojmë pjesën e fuqisë”, tha Dan Crenshaë, anëtar i komitetit për sigurinë e brendshme.

A2 CNN Livestream

Ditari nga Denisa Pasholli