Sondazh: Sa prezent është aktiviteti fizik në përditshmërinë tuaj?
  • Çdo ditë 46%
  • Tre herë në javë 18%
  • Vetëm në fundjavë 4%
  • Asnjëherë 32%

Koreja e Veriut teston sistemin e armëve bërthamore nëndetëse

Nga A2 CNN
19 Janar 2024, 08:30 | Bota

Koreja e Veriut teston sistemin e armëve bërthamore

Koreja e Veriut tha se testoi një "sistem armësh bërthamore nënujore" në përgjigje të stërvitjeve të përbashkëta detare nga Uashingtoni, Seuli dhe Tokio që përfshinin një aeroplanmbajtëse amerikane me energji bërthamore.

Sipas asaj që u raportua nga Ministria e Mbrojtjes e Koresë së Veriut dhe e publikuar nga agjencia shtetërore e lajmeve KCNA, stërvitjet po "kërcënonin seriozisht sigurinë" e vendit dhe për këtë arsye si përgjigje Pheniani "kreu një test të madh të sistemit të tij të armëve bërthamore nënujore Haeil 5-23 në zhvillim në Detin e Koresë Lindore".

Kjo vjen pasi Koreja e Veriut ka shtuar veprimet ushtarake, javët e fundit, duke përfshirë pretendimin se ka vendosur një raketë të re balistike me rreze të mesme veprimi të dielën.

Kjo pasoi stërvitjet në kufirin detar me Korenë e Jugut, në javën e parë të janarit.

Udhëheqësi i Phenianit, Kim Jong Un, ka qenë gjithashtu gjithnjë e më agresiv në drejtimin e politikave dhe retorikën e tij, duke i dhënë fund disa marrëveshjeve që synonin ruajtjen e paqes në muajt e fundit.

Të premten, Koreja e Veriut tha se ishte provokuar nga stërvitjet e përbashkëta nga Uashingtoni, Seuli dhe Tokio për të kryer një test të armëve të saj nënujore.

Ajo akuzoi stërvitjet për "destabilizimin e mëtejshëm të situatës rajonale" dhe kërcënim të sigurisë së Veriut.

SHBA-ja, Koreja e Jugut dhe Japonia thonë se kanë kryer më shumë stërvitje, gjatë vitit të kaluar, si një përgjigje parandaluese ndaj frekuencës në rritje të veprimeve ushtarake të Koresë së Veriut, të cilat përfshijnë teste të shumta të raketave të saj balistike bërthamore dhe lëshime të armëve të reja. Të gjitha veprimet e tilla janë në kundërshtim me sanksionet e OKB-së.

A2 CNN Livestream

Ditari nga Erion Dushi