Kriza në qeverinë izraelite! Shpërbëhet kabineti i luftës i Benjamin Netanjahut

Nga Erjon Dervishi
17 Qershor 2024, 11:38 | Bota

Qeveria izraelite e drejtuar nga Benjamin Netanyahu ka hyrë në një spirale krize.

Me një vendim të pakundërshtueshëm, Netanyahu ka shpërndarë kabinetin e luftës, e cila ishte krijuar për të marrë vendime gjatë ecurisë së luftës në Gaza.

Vendimi i Netanyahut vjen pak ditë pasi kreu i opozitës Benny Gantz njoftoi tërheqjen e tij nga qeveria. Kabineti i luftës u formua pesë ditë pas fillimit të luftës midis Izraelit dhe Hamasit dhe përfshinte jo vetëm Netanyahun dhe Gantz, por edhe ministrin e Mbrojtjes, Yoav Gallant.

Ndërkohë, zemërimi i Netanyahut është shtuar akoma më shumë pas vendimit të ushtrisë izraelite për krijimin e pauzave taktike gjatë luftës me Hamasin.

Qëllimi, sipas ushtrisë izraelite, bëhet për të hapur rrugët e ndihmave humanitare për civilët. Udhëheqja politike izraelite e kritikoi masën. Kryeministri Benjamin Netanyahu ishte i pakënaqur kur dëgjoi për herë të parë për planin, sipas një zyrtari izraelit.

Netanyahu kontaktoi sekretarin e tij ushtarak dhe tha se kjo ishte e papranueshme, derisa u sigurua se luftimet në Rafah do të vazhdonin.

Ajo ngre pyetjen se nga e ka origjinën urdhri i "pauzës taktike", por duket se vendimi ka gjasa të vazhdojë për pak kohë. Vendimi u kundërshtua edhe nga ministri izraelit i sigurisë Ben Gvir, anëtar kryesor i krahut të djathtë të kabinetit të Netanyahut.

“Kushdo që vendosi për një “pauzë taktike” me qëllim të një tranzicioni humanitar, veçanërisht në një kohë kur më të mirët e ushtarëve tanë po bien në betejë, është budalla që nuk duhet të vazhdojë të jetë në pozicionin e tij, tha Ben Gvir.

Sakaq, luftime të ashpra janë zhvilluar në Rafah. Një zyrtar i mbrojtjes civile në enklavë tha për CNN se përleshjet e rënda kanë vazhduar në lagjet e Rafahut perëndimor gjatë 24 orëve të fundit.

 Në një shenjë të mëtejshme se luftimet në Gaza mund të zvarriten, qeveria e Netanyahut tha të dielën se do të zgjaste deri më 15 gusht periudhën që do të financonte hotele dhe shtëpi pritjeje për banorët e evakuuar nga qytetet kufitare izraelite jugore.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli 2024