Sondazh: Sipas jush, brezi më i lumtur është:
  • X (1960-1980) 33%
  • Millenials (1981-1996) 56%
  • Z (1997-2011) 11%
  • Alpha (2012-2025) 0%

Putin jep lajmin e madh në luftën kundër kancerit, gati vaksina?

Nga A2 CNN
14 Shkurt 2024, 18:10 | Bota

Putin jep lajmin e madh në luftën kundër kancerit, gati vaksina?

Presidenti Vladimir Putin dha një lajm shumë sensacional këtë të mërkurë kur tha se shkencëtarët rusë janë pranë krijimit të vaksinës kundër kancerit e cila së shpejti mund të jetë e disponueshme për pacientët.

Lideri rus shtoi se shkencëtarët janë shumë afër krijimit të të ashtuquajturave vaksina kundër kancerit dhe ilaçe imunomoduluese që i përkasin një brezi të ri medikamentesh.

"Shpresoj se së shpejti ato do të përdoren në mënyrë efektive si metoda të terapisë individuale," shtoi ai, duke folur në një forum në Moskë mbi teknologjitë e ardhshme.

Një numër vendesh dhe kompanish po punojnë për vaksinat e kancerit. Vitin e kaluar qeveria e Mbretërisë së Bashkuar nënshkroi një marrëveshje me BioNTech me bazë në Gjermani për të nisur provat klinike duke ofruar "trajtime të personalizuara të kancerit", duke synuar të arrijë 10,000 pacientë deri në vitin 2030.

Kompanitë farmaceutike Moderna dhe Merck & Co po zhvillojnë një vaksinë eksperimentale kundër kancerit që një studim i fazës së mesme tregoi se përgjysmonte mundësinë e përsëritjes ose vdekjes nga melanoma, pas tre vjet trajtimi.

A2 CNN Livestream

Debat - nga Alba Alishani