Shtetet e Bashkuara të Amerikës kanë shtuar ndjeshëm praninë e saj ushtarake në Lindjen e Mesme gjatë vitit të kaluar, veçanërisht pas shpërthimit të konfliktit mes Izraelit dhe Hamasit.
Amerikanët janë përfshirë në mënyrë aktive duke ndihmuar Izraelin në interceptimin e sulmeve me raketa iraniane, duke i shkatërruar ato nga anijet e vendosura në detin Mesdhe. Sekretari i Mbrojtjes, Lloyd Austin, ka theksuar vazhdimisht se angazhimi i Shteteve të Bashkuara do të mbetet maksimal.
Që nga gushti, rreth 40 000 trupat amerikane janë vendosur në rajon, me qëllim për të penguar sulmet ndaj Izraelit dhe forcave amerikane. Grupi i Goditjes së Shpejtë, që kryesohet nga aeroplanmbajtësja USS Abraham Lincoln u dërgua për të forcuar kapacitetet ushtarake, ndërsa disa destrojerë e mbështesin duke vepruar në Gjirin e Omanit dhe Detin e Kuq. Për më tepër, Grupi i Gatishmërisë Amfibi Wasp, që përbëhet nga rreth 4500 marinsa, është gjithashtu aktiv në Mesdheun Lindor.
Njësia Eksploruese të Marinës (MEU) luan një rol të rëndësishëm në përgjigjen ndaj krizave, duke përfshirë operacionet e evakuimit jo luftarake. Pentagoni ka njoftuar për kapacitete shtesë ajrore mbështetëse, duke përfshirë avionët F-22 dhe F-15, me forca shtesë që dërgohen në rajon. Ushtria mban një numër të konsiderueshëm forcash tokësore të pajisura me sisteme mbrojtëse të avancuara si raketat Patriot dhe HIMARS. (A2 Televizion)
A2 CNN Livestream
MUND TE LEXONI GJITHASHTU
