“SHBA-Britani e dinë ç’po ndodh”, Stradner: Serbia me raund 2 në Kosovë, por jo me tanke

Nga Xhevahir Qardaku
12 Prill 2024, 20:09 | Aktualitet

“Po ka shumë gjasa që Kosova të jetë Ukraina e re”. Këtë e pohon Ivana Stradner, hulumtuese në Fondacionin Amerikan për Mbrojtjen e Demokracive, duke komentuar reportazhin e gazetës britanike The Telegraph.

Ekspertja, e cila disa javë më parë publikoi analizën me titull “Putini dëshiron luftë në Ballkan”, rikthen në vëmendje alarmet e lëshuara nga Inteligjenca Amerikane për rrezik të lartë për tensione ndëretnike në Ballkan, dhe frikën e Shtëpisë së Bardhë se Serbia mund të nisë një pushtim ushtarak të Kosovës vitin e kaluar.

Gjithashtu përmend me shqetësim sulmin në Banjskë. “Ky ishte raundi i parë, ka shumë gjasa që mund të shohim një raund të dytë. Mos harroni që Serbia nuk operon më me tanke dhe avionë. Grupet paramilitare janë shumë të rëndësishme për qëllimet e Vuçiçit për të mohuar përfshirjen”, thekson ekspertja.

Ajo bën thirrje që t’i kushtohet një vëmendje e veçantë operacioneve të forcave speciale serbe, teksa nënvizon se Amerika dhe Britania e dinë mirë se çfarë po ndodh mes Kosovës dhe Serbisë.

A2 CNN Livestream

Ditari nga Denisa Pasholli