Ndërmjetësuesi evropian i procesit të dialogut midis Kosovës dhe Serbisë, Miroslav Lajçak, u takua në Bruksel me kryenegociatorin e Kosovës, Besnik Bislimi.
Përfaqësuesit e Kosovës dhe të Serbisë ndodhen sot në Bruksel për takimin e radhës në kuadër të dialogut për normalizimin e marrëdhënieve. Bislimi pritet të takohet gjithashtu edhe me Kryenegociatorin e Serbisë, Petar Petkoviç, por ky takim nuk është konfirmuar ende.
Ndër temat që pritet të diskutohen nga kryenegociatorët do të jetë edhe çështja e dinarit. BE-ja ka paralajmëruar se do të forcojë presionin mbi Serbinë dhe Kosovën për të zbatuar marrëveshjen e arritur një vit më parë për normalizimin e marrëdhënieve.
Emisari special i SHBA-së për Ballkanin Perëndimor, Gabriel Escobar u largua të premten nga Kosova i pakënaqur nga kryeministri Albin Kurti, pasi ky i fundit refuzoi propozimet e tij për dinarin.
Ndërkohë Presidentja e Kosovës, Vjosa Osmani, ka thënë se është arritur pajtimi që nga Serbia paratë të vijnë vetëm në euro dhe jo në dinar. Ajo ka thënë se çështja e dinarit serb në Kosovë duhet të zgjidhet me urgjencë dhe se tashmë ekziston pajtueshmëri për një pjesë të propozimit amerikan për këtë çështje. (A2 Televizion)
A2 CNN Livestream
MUND TE LEXONI GJITHASHTU
