Rama shpreh admirimin për presidentin Klinton: E kam ndjekur dhe studiuar, më ka frymëzuar

Nga A2 CNN
3 Korrik 2023, 19:22 | Politikë
Rama shpreh admirimin për presidentin Klinton: E kam ndjekur dhe studiuar,

Në fjalimin hapës të ceremonisë së nderimit të presidentit Bill Klinton, kryeministri Edi Rama ka shprehur dhe admirimin për ish-kreun e Shtëpisë së Bardhë si politikan.

Kreu i qeverisë, u shpreh se ka ndjekur dhe studiuar të gjitha fjalimet e Klinton dhe madje ka mësuar nga mënyra sesi ai komunikonte me njerëzit, duke e cilësuar presidentin si një ndër oratorët më të mirë të historisë.

“Nuk ka qenë kurrë më e vështirë për mua se të përgatitem të flas këtu, duke e ditur se pas meje do ta marrë fjalën një njeri, të cilit, ia kam parë e lexuar fjalimet për shijen e jashtëzakonshme të udhëtimit drejt një bote më të mirë. Ia kam ridëgjuar presidentit Klinton ato që ka thënë për të mësuar prej përmbajtjes dhe artit të pashembullt të komunikimit, duke i nënvizuar hapjet, ndjekur intonacionet dhe admiruar atë që nuk mësohet, empatinë magjepsëse që e bën presidentin Klinton ndër oratarët më të mirë që ka njohur historia”, tha Rama.

https://a2news.com/2023/07/03/bill-klinton-nis-viziten-ne-tirane/

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi