Shpallet fituesi i Nobelit në Letërsi

Nga A2 CNN
6 Tetor 2022, 13:07 | Aktualitet
Shpallet fituesi i Nobelit në Letërsi

Annie Ernaux ka vetëm pak vite që lakohet mes më të mirëve nga akademia suedeze e Çmimit Nobel. Nuk ka pritur gjatë, por ka rrëmbyer çmimin më të madh për letërsinë në botë. Annie Ernoux është ndër shkrimtaret më të rëndësishme franceze të letërsisë bashkëkohore dhe ka botuar deri më tani vetëm romane.

Prozatorja është nderuar me shumë çmime letrare, ndër të cilat “Marguerite Duras”, “Prix de la langue française” dhe “Premio Strega Europeo”, çmime të rëndësishme që e çuan në rrugën drejt Nobelit në Letërsi.

Nuk është e panjohur edhe për lexuesin shqiptar pasi tre nga veprat e saj më të rëndësishme janë përkthyer në gjuhën shqipe. Shtëpia Botuese "Dudaj" ka sjellë më herët romanet "Kujtime vajze" dhe  "Pasion i thjeshtë", ndërsa kohët e fundit i është prezantuar lexuesit shqiptar edhe romani "Vendi i babait".

Ndërsa duke u përkthyer si pjesë e një projekti bashkëpunimi mes qendrës së librit dhe leximit dhe ambasadës franceze është edhe një tjetër roman me titullin "Vitet".

Annie Ernaux është vlerësuar nga akademia suedeze për guximin dhe mprehtësinë me të cilën ajo zbulon edhe tema të mprehta si kujtesa, aborti apo kufizimet personale duke sjellë kështu edhe mesazhe për shoqërinë e sotme.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi