Nga shtëpia muze e Kongresit të Lushnjes, në kuadër të 105-vjetorit të një prej ngjarjeve më të rëndësishme të shtetit tonë, zëvendëskryeministrja Belinda Balluku shprehu vlerësimet për të gjithë ata që kontribuan në themelin e parlamentarizmit shqiptar.
“Lushnja është krenare dhe ju lushnjarët duhet të jeni akoma dhe më krenarë, pasi i keni ofruar Shqipërise në kohën më të vështire mundësinë e zhvillimit të këtij kongresi”, u shpreh Balluku.
Paralelisht në Tiranë, kryetarja e Kuvendit Elisa Spiropali ishte mbledhur me paraardhësit e saj në një aktivitet në sallën plenare, dedikuar parlamentarizmit dhe demokracisë. Sinkron..,
“Fryma e Kongresit nuk e fshehu orientimin e parlamentarizmit shqiptar drejt republikanizmit. Prandaj mund të themi se krijimi i Parlamentit të parë shqiptar shënoi një pikë kthese historike në formësimin e Republikës dhe përgjatë historisë së tij të dekadave të fundit, edhe në konsolidimin e demokracisë”, u shpreh kryeparlamentarja.
Spiropali theksoi se synimi kryesor i Kuvendit është që në legjislaturën e ardhshmem, Shqipëria të jetë anëtare e Bashkimit Europian. (A2 Televizion)
A2 CNN Livestream
MUND TE LEXONI GJITHASHTU
