Ky është babai që mbante peng dy fëmijët, bashkëshortja me urdhër mbrojtje, reagon Taulant Balla

Nga A2 CNN
15 Maj 2024, 09:18 | Aktualitet

Ky është babai që mbante peng dy fëmijët,

Aleks Marku 40-vjeç u arrestua, mëngjesit e sotëm, pasi mbante fëmijët e mitur peng, 6 dhe 11 vjeç në një apartament. Ai fillimisht nuk iu iu bind urdhrit të policës për t’u dorëzuar, ndërsa nga dritarja e apartamentit qëlloi drejt RENEA-s me armë zjarri tip kallashnikov.

Lidhur me këtë ngjarje ka reaguar edhe ministri i Brendshëm, Taulant Balla, i cili ka falënderuar forcat RENEA dhe policinë e Durrësit që arritën të neutralizonin babain.

“Mirënjohje Repartit RENEA dhe forcave të Drejtorisë Vendore të Policisë Durrës për zgjidhjen e një situate të vështirë, për shkak se një person qëllonte me armë nga banesa e tij, ku  mbante edhe dy fëmijët e mitur, ndërsa bashkëshortja kishte një urdhër mbrojtje, për shkak të dhunës në familje. Nuk mund të ketë #AsnjëJustifikim ndaj dhunës, as në shtëpi, as në vendin e punës, as në jetën publike, as online. Askund!”, shkruan Balla në reagimin e tij.

A2 CNN Livestream

Dita jonë 2024