Instituti i Statistikave të dhënat më të fundit i publikoi për vitin 2022 ku numri i ndërmarrjeve u rrit me 9.1% krahasuar me vitin 2021.
“Në regjistrin e ndërmarrjeve shqiptare janë ato me karakter tregtar. Mbi 43% tek shërbimet dhe tregtia. Në 2022 kemi 15 700 ndërmarrje të reja. Dhe 26% e tyre janë po me karakter tregtar,” shprehet Daniel Guçe, ekspert për sipërmarrjet.
Teka ky numër i ndërmarrjeve është në rritje paralelisht ecën dhe numri i të punësuarve në këto sektor ku për 2022 arriti në rreth 550 mijë të punësuar.
Sipas shifrave më shumë të punësuar janë në sektorët ”tregti”, akomodim dhe shërbim ushqimor, transport dhe komunikacion” dhe ”shërbime të tjera”, të cilët zënë 64.8% të numrit të të punësuarve gjithsej, ndërsa pjesa tjetër në industri, ndërtim. Sipas ekspertëve në performancën e mire si në shtimin e punonjësve por dhe të ndërmarrjeve është dhe zhvillimi i bujshëm në sektorin e turizmit.
“Turizmi do jetë prapë sektori që do ketë rritjen me të lartë SME të krijuara në 2023 dhe 2024 po dhe ofruesit e shërbimeve. 2 sektorët prioritarë bujqësia dhe turizmi do kenë rritjen dhe krijimin e SME të reja në vijim.”
Si pasojë edhe e shtimit të punës edhe fitimet për këto biznese ishin më të larta. Të gjitha ndërmarrjet në 2022 realizuan një fitim neto në vlerën e 3.3 miliardë lekëve një rritje me 26.7% krahasuar me 2021. Shitjet më të larta neto u realizuan nga prodhuesit e shërbimeve të cilët përbëjnë 64.7% të shitjeve neto gjithsej dhe më pak nga prodhuesit e të mirave.
(A2 Televizion)
A2 CNN Livestream
MUND TE LEXONI GJITHASHTU
