Sondazh: Çfarë ju pengon për t'u ushqyer shëndetshëm?
  • Çmimet e larta 73%
  • Mungesa e kohës 18%
  • Mungesë motivimi 9%
  • Lodhja fizike 0%

Aksident i rëndë në aksin Librazhd-Qafë Thanë, një viktimë e 3 të plagosur

Nga Belinda Ruçaj
4 Shkurt 2024, 21:56 | Kronikë

Një aksident i rëndë ka ndodhur mbrëmjen e së dielës, në aksin Librazhd-Qafë Thanë, rreth orës 20:30.

Në vendin e quajtur mbikalimi i trenit, në Dragostunjë, ka dalë nga rruga një mjet tip Benz, duke shkaktuar vdekjen e një personi dhe plagosjen e tre të tjerëve.

Viktima është 18-vjeçari me inicialet D.B.

Të gjithë personat që po udhëtonin në makinë janë nga fshati Qukës.

Njoftimi i policisë:

Në aksin rrugor "Librazhd-Perrenjas", automjeti që drejtohej nga shtetasi M. Z., 21 vjeç, ka dalë nga rruga. Për pasojë ka humbur jetën në vendngjarje pasagjeri që udhëtonte në këtë automjet shtetasi D. B., 18 vjeç, si edhe kanë mbetur të dëmtuar drejtuesi i automjetit dhe 2 pasagjerë të tjerë, të cilët janë transportuar për ndihmë mjekësore në spital për momentin jashtë rrezikut për jetën.

Grupi hetimor në vendngjarje po punon për zbardhjen e plotë të shkakut të aksidentit.

A2 CNN Livestream

Ditari nga Erion Dushi