Një aksident ka ndodhur në rrugën e Arbrit mbrëmjen e sotme, ndërsa një automjet është përmbysur mbi urën 158 metra të lartë. Ngjarja mësohet se ka ndodhur në dalje të tunelit të tretë të rrugës së Arbrit në fshatin Shkallë të Xibrit.
Automjeti është përmbysur mbi “Urën e Fshatit” 158 metra e lartë, pjesë e rrugës së Arbrit. Mësohet se në automjet ndodheshin dy të rinj, burrë e grua, teksa kjo e fundit është transportuar për ndihmë mjekësore në spital.
Policia ka mbërritur menjëherë në vendin e ngjarjes dhe ka nisur hetimet për zbardhjen r shkaqeve të aksidentit. Paraprakisht dyshohet se shkak mund të jetë bërë zhavori që ka hyrë në tunelin e pjerrët si pasojë e ujërave të shiut.
“Klos/Informacion paraprak: Në vendin e quajtur Ura e fshatit Fshat, shtetasi A.K., 26 vjeç, duke drejtuar automjetin tip "Volkswagen", ka humbur kontrollin mbi drejtimin e mjetit dhe mjeti është përmbysur në anë të rrugës. Për pasojë është lënduar drejtuesi i mjetit dhe një pasagjere të cilët ndodhen në spital, jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të këtij aksidenti.”, njofton policia në lidhje me aksidentin. (A2 Televizion)
A2 CNN Livestream
MUND TE LEXONI GJITHASHTU
