Aktori i humorit, Rezart Veleshnja, është ndaluar ditën e sotme nga Policia, pasi akuzohet për mashtrim.
Përmes një njoftimi, Policia bëri të ditur se ai me anë të mashtrimit i ka marrë një personi një automjet dhe më pas e ka shitur.
“Specialistët për Hetimin e Krimeve të Komisariatit të Policisë Durrës ndaluan shtetasin R. V, banues në Tiranë, pasi me anë të mashtrimit, i ka marrë një automjet, shtetasit Y. T., dhe më pas e ka shitur”, njofton policia.
Ndërkohë që A2 CNN mëson se Gjykata e Durrësit ka vendosur ndaj tij masën ‘detyrim paraqitje’ dhe ka vlerësuar të paligjshme masën e arrestit të kërkuar nga Prokuroria.
Nga ana tjetër, vetë aktori Veleshnja, i ka hedhur poshtë akuzat. Përmes një videoje në rrjetet sociale, ai ka thënë se është thjesht një automjet që ai e ka përdorur, që më pas ka humbur. Ndërsa sot sipas tij është gjetur se kush e ka pasur automjetin.
Ai hedh akuza ndaj mediave, të cilat thjeshtë kanë postuar atë ç'ka thuhet në njoftimin e Policisë, informacione që sipas tij nuk janë të vërteta. (A2 Televizion)
A2 CNN Livestream
MUND TE LEXONI GJITHASHTU
