Ekstradohet drejt Italisë 39-vjeçari me dy emra, akuzohet për trafik lëndësh narkotike

Nga A2 CNN
25 Prill 2024, 10:15 | Kronikë

Ekstradohet drejt Italisë 39-vjeçari me dy emra, akuzohet për

Është ekstraduar nga Shqipëria drejt Italisë, Bledar Dushkaj alias Bledar Delia, 39 vjeç. Gjykata e Apelit e Milanos, me vendimin e datës 06.06.2011, e ka dënuar me 7 vjet burgim për veprat penale “Organizata kriminale” dhe “Trafikimi i lëndëve narkotike”. Ky shtetas ka qenë pjesë e një organizate kriminale që ka trafikuar drogë nga Holanda në Itali, gjatë periudhës nëntor 2007-shtator 2008.

Gjithashtu, po drejt Italisë është ekstraduar Kristjan Uldedaj, 31 vjeç, të cilit Gjykata e Hetimeve Paraprake në Milano, Itali, me vendimin e datës 03.11.2023, i ka caktuar masën e sigurisë “Arrest në burg”, për veprat penale “Grup kriminal” dhe “Trafikimi i lëndëve narkotike”. Ky shtetas, gjatë periudhës 2015-2022, ka qenë pjesë e një grupi kriminal që ka trafikuar në Itali, 35 kg kokainë dhe 3.4 tonë hashash.

A2 CNN Livestream

Ditari nga Erion Dushi