I dënuar edhe më parë për drogë, kapet me kokainë i riu shqiptar në Itali

Nga A2 CNN
13 Shkurt 2024, 16:36 | Kronikë

I dënuar edhe më parë për drogë, kapet me kokainë

Policia italiane ka arrestuar një 26-vjeçar shqiptar, i cili është pikasur teksa po i shiste kokaine një 50-vjeçari në Perugia.

Sipas mediave italiane, 26-vjeçarit, i cili iu nënshtrua një kontrolli personal dhe automjetesh, iu gjetën edhe 9 doza të tjera kokainë, të fshehura me zgjuarsi brenda makinës që përdorte për dërgimin e lëndës narkotike, përveç shumës prej 150 eurosh në kartëmonedha me prerje të ndryshme dhe një telefon celular që mund të përdoret për aktivitetin e paligjshëm.

Pas identifikimit të banesës së të riut, karabinierët zgjeruan operacionin, ku u gjetën 27 doza të tjera kokainë dhe 2000 euro cash, të përfituara nga aktiviteti kriminal.

Në total janë sekuestruar 31 gramë kokainë, 2150 euro cash dhe celulari. I riu ishte dënuar me më parë me një vit e 10 muaj burg për të njëjtën vepër penale.

A2 CNN Livestream

Ditari nga Bruna Çifligu