Një punonjës i Inspektoriatit të Mbrojtjes së Territorit në Berat është vënë në pranga nga policia pasi akuzohet se ka shpërdoruar detyrën duke marrë rryshfet për një ndërtim pa leje.
“Prokuroria pranë Gjykatës së Shkallës së Parë të Juridiksionit të Përgjithshëm Berat në kuadër të procedimit penal me nr.339 të vitit 2024, në bashkëpunim dhe me Oficerët e krimit ekonomik pranë Drejtorisë Vendore të Policisë Berat, ka arrestuar në flagrance shtetasin P.K. me detyrë inspektor në Inspektoratin e Mbrojtjes së Territorit Berat.”
Sipas njoftimit të Prokurorisë, inspektori ka përfituar një shumë prej 200 mijë lekësh të vjetra dhe personi që i ka dhënë rryshfet e ka kallëzuar më pas në polici.
“Arrestimi i tij u bë për veprat penale të “Shpërdorim detyre” parashikuar nga neni 248 i K.Penal dhe “Korrupsion pasiv i personave që ushtrojnë funksione publike” parashikuar nga neni 259 i K.Penal, pasi në mënyrë të paligjshme ka përfituar një shumë prej 20.000 lekësh nga kallëzuesi, shtetasi Th.Gj. kundrejt shmangies së gjobës administrative për një ndërtim të dyshuar pa leje që kallëzuesi po kryente. Falë bashkëpunimit të kallëzuesit si dhe përdorimit të veprimeve simuluese u dokumentua ngjarja dhe u sekuestrua në cilësinë e provës materiale shuma e parave.” (A2 Televizion)
A2 CNN Livestream
MUND TE LEXONI GJITHASHTU
