Pezullohen 4 policë në Durrës, ishin me shërbim kur u largua nga banesa i akuzuari për vrasje

Nga A2 CNN
24 Nëntor 2023, 13:12 | Kronikë

Pezullohen 4 policë në Durrës, ishin me shërbim kur u largua

Policia e Shtetit ka pezulluar nga detyra 4 oficerë policie në Durrës. Vendimi ka ardhur pasi 4 punonjësit kanë qenë me shërbim, në kohën kur është larguar nga banesa e tij një shtetas i akuzuar për vrasje, i cili ishte në arrest shtëpie në fshatin Gjuricaj.

Ndërkohë, AMP-ja ka iniciuar hetim penal për këtë rast dhe vijon punën për zbardhjen e rrethanave dhe përcaktimin ligjor të përgjegjësive.

Njoftimi i Policisë Durrës

Drejtoria e Standardeve Profesionale e Policisë së Shtetit ka pezulluar nga detyra, për shkelje të pikës 5 të nenit 209 të rregullores së Policisë së Shtetit, punonjësit e Policisë:

-Inspektorë B. V., K. D. dhe O. Sh., të tre oficerë të Patrullës së Përgjithshme të Komisariatit të Policisë Durrës;

-Inspektor S. K., trupë shërbimi në Stacionin e Policisë Manzë.

4 punonjësit e Policisë janë pezulluar nga detyrat, pasi kanë qenë me shërbim, kur është larguar nga banesa e tij në fshatin Gjuricaj, shtetasi A. K., për të cilin Gjykata e Apelit, Tiranë, ka caktuar masën e sigurisë “Arrest në shtëpi”, për veprën penale “Vrasja me dashje”.

Ndërkohë, AMP-ja ka iniciuar hetim penal për këtë rast dhe në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Durrës, vijon puna për zbardhjen e rrethanave dhe përcaktimin ligjor të përgjegjësive. (A2 Televizion)

A2 CNN Livestream

Latest Videos