Qëlloi me armë e plagosi një grua, arrestohet 29-vjeçari shqiptar në Itali

Nga A2 CNN
6 Shkurt 2024, 09:49 | Kronikë

Qëlloi me armë e plagosi një grua, arrestohet 29-vjeçari

Karabinierët italianë arrestuan në Campodarsego një 29-vjeçar shqiptar, i cili ishte shpallur në kërkim pasi autoritetet gjyqësore në Shqipëri, kishin lëshuar një urdhërarresti për tentativë vrasje.

Sipas mediave italiane, ai akuzohet se më 22 nëntor në Peshkopi ka qëlluar me armë zjarri një grua, duke e plagosur rëndë dhe më pas është arratisur.

29-vjeçari tentoi të humbte gjurmët, por u zbulua dhe u vu në pranga në një hotel në Campodarsego. Kur shqiptari hyri në hotel, policia u vu në aksion.

Në fakt, drejtësia shqiptare kishte lëshuar një urdhërarresti ndërkombëtar ndaj tij dhe brenda pak minutash në hotel u shfaq një patrullë. I dyshuari nuk ka bërë rezistencë.

A2 CNN Livestream

Dita jonë