Sondazh: Preferoni që emri i fëmijës tuaj të jetë:
  • Tradicional 42%
  • Modern 8%
  • I trashëguar 8%
  • Unik 42%

Sherr me thika në Vlorë, plagoset 35-vjeçari! Pranga autorit

Nga A2 CNN
29 Mars 2024, 18:56 | Kronikë

Sherr me thika në Vlorë, plagoset 35-vjeçari! Pranga autorit

Një sherr mes 2 të rinjve ka përfunduar në përdorimin e thikës.

Për pasojë një 35-vjeçar ka mbetur i plagosur. Ngjarja ka ndodhur rreth orës 17:00, në fshatin Sherishtë. I plagosur ka mbetur E. A., 35 vjeç. Autori A. B., 30 vjeç është vënë në prangat e policisë.

Ende nuk dihen shkaqet e ngjarjes.

"Plagosi me mjet prerës (thikë), një 35-vjeçar, si rezultat i reagimit në kohë të shërbimeve të Policisë Rrugore dhe atyre të Forcës së Posaçme “Shqiponja”, identifikohet, kapet dhe shoqërohet, 30-vjeçari.

Rreth orës 17:00, në fshatin Sherishtë, Vlorë, dyshohet se pas një konflikti të çastit, për motive të dobëta, në vendin e quajtur “Landfilli”, shtetasi A. B., 30 vjeç, ka plagosur me mjet prerës (thikë), shtetasin E. A., 35 vjeç.

Pas marrjes së njoftimit, shërbimet e Policisë Rrugore dhe ato të Forcës së Posaçme “Shqiponja”, të DVP Vlorë, kanë shkuar menjëherë në vendngjarje ku si rezultat i veprimeve të shpejta kanë bërë të mundur identifikimin dhe kapjen e autorit të dyshuar, shtetasit A. B., dhe shoqërimin e tij, në Komisariatin e Vlorës, për veprime të mëtejshme procedurale.

Shtetasi i dëmtuar E. A. ndodhet në spitalin e Vlorës, në kujdesin e mjekëve.

Vijon puna për dokumentimin e rrethanave të kësaj ngjarjeje.

Materialet procedurale do t’i kalojnë Prokurorisë, për veprime të mëtejshme", thuhet në njoftim. 

A2 CNN Livestream

Ditari nga Denisa Pasholli