Sondazh: Çfarë ju pengon për t'u ushqyer shëndetshëm?
  • Çmimet e larta 67%
  • Mungesa e kohës 22%
  • Mungesë motivimi 0%
  • Lodhja fizike 11%

U shisnin armë grupeve kriminale në Durrës, lihen në burg dy të rinjtë

Nga Elitjona Doko
11 Mars 2024, 12:53 | Kronikë

Hekuran Troplini dhe Emiliano Pasha janë lënë në burg nga gjykata e Durrësit.

Dy të rinjtë u arrestuan në qytetin bregdetar, dy ditë më parë, pasi u zbuluan se mbanin një sasi armatimi të fshehtë dhe ua shisnin grupeve kriminale.

Ata akuzohen nga prokuroria për “Armëmbajtje pa leje” dhe “Prodhim armësh e municionesh”.

Gjatë operacionit policor i koduar “Hills”, dyshja u arrestuan duke shitur armë zjarri në fshatin Shkallnur. 20-vjeçari Troplini dhe 19-vjeçari Pasho, janë të dy banues në këtë fshat.

Gjatë operacionit u sekuestruan 4 armë zjarri kallashnikovë me 20 krehëra, qindra fishekë luftarakë, 1 motomjet që shërbente për të lëvizur dhe transportuar armët e municionin, me qëllim shitjen, 63.700 lekë dhe një sasi lënde narkotike e dyshuar kanabis.

Ndërkohë sot në Sukth të Durrësit u finalizua operacioni policor i koduar “Hills 2”, gjatë të cilit u zbulua një tjetër bazë që dyshohet se shërbente për furnizimin e grupeve kriminale, me armë zjarri dhe me municion luftarak.

U sekuestruan nga policia kallashnikovë, granata, dylbi snajperi, krehër arme dhe mijëra fishekë të kalibrave të ndryshëm. Policia vuri në pranga pronarin e banesës, shtetasin Adem Salillari.

A2 CNN Livestream

Ditari nga Denisa Pasholli