Kaosi në Kuvend, PS-ja kërkon përjashtimin e 5 deputetëve të opozitës

Nga A2 CNN
10 Qershor 2024, 11:16 | Politikë

Pas kaosit të zhvilluar në seancën e së enjtes, socialistët kërkojnë përjashtimin e 5 deputetëve nga opozita.

Mësohet se PS-ja pritet të marrë masa për përjashtimin e Gazment Bardhit, Luan Baçit, Flamur Nokës, Edi Palokës dhe Ervin Salianjin. Vendimi do të merret në orën 13:00 në mbledhjen e Sekretariatit të Etikës.

Kaosi erdhi pas kërkesës së Bardhit për rikthimin e Sali Berishës në grup parlamentar demokrat, kërkesë kjo e cila gjeti kundërshtimin e shumicës, me argumentin se duhet të ketë një vendim partie, të PD-së së Lulzim Bashës.

Kujtojmë se me ndryshimin e rregullores së Kuvendit, vetëm me votat e mazhorancës, një deputet mund të përjashtohet deri në 60 ditë.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Debat nga Alba Alishani