Rama: Zbatimi i marrëveshjes Kosovë-Serbi, thelbësor për ruajtjen e sigurisë, stabilitetit dhe paqes në Ballkanin Perëndimor

Nga A2 CNN
18 Mars 2024, 08:16 | Politikë

Rama: Zbatimi i marrëveshjes Kosovë-Serbi, thelbësor për

Kryeministri Rama ka reaguar sot me anë të një postimi në rrjetin social “X”, në lidhje me zhvillimet mes Kosovës dhe Serbisë, teksa është ndalur tek mbajtja e takimit të Këshillit Evropian të 21 marsit.

Sipas Ramës, është thelbësore të kujtojmë se zbatimi i Marrëveshjes për Rrugën e Normalizimit të Marrëdhënieve ndërmjet Kosovës dhe Serbisë, së bashku me Aneksin e saj Zbatues, është i një rëndësie të madhe për ruajtjen e sigurisë, stabilitetit dhe paqes në Ballkanin Perëndimor.

“Ndërsa i afrohemi takimit të Këshillit të Evropës të 21 marsit, është thelbësore të kujtojmë se zbatimi i Marrëveshjes për Rrugën e Normalizimit të Marrëdhënieve ndërmjet Kosovës dhe Serbisë, së bashku me Aneksin e saj Zbatues, është i një rëndësie të madhe për ruajtjen e sigurisë, stabilitetit dhe paqes në Ballkanin Perëndimor.  Nuk mjafton thjesht që Marrëveshja të jetë ligjërisht e detyrueshme.  Për të siguruar progres, Marrëveshja dhe Aneksi i Zbatimit duhet të përfshihen zyrtarisht si pjesë e proceseve përkatëse të anëtarësimit të Kosovës dhe Serbisë në BE.  Çdo vonesë për ta bërë këtë vetëm e forcon status quo-në.  Dhe status quo-ja në lidhje me këtë çelës strategjik për fqinjësi paqësore, të begatë dhe evropiane në mes të Evropës nuk i shërben sigurisë së vetë Evropës.”, shkruan në reagimin e tij në “X”, kryeministri Rama.

A2 CNN Livestream

Ditari nga Bruna Çifligu