Sondazh: Sa prezent është aktiviteti fizik në përditshmërinë tuaj?
  • Çdo ditë 46%
  • Tre herë në javë 18%
  • Vetëm në fundjavë 4%
  • Asnjëherë 32%

Fushatë vaksinimi ndaj HPV, për vajzat 14-20 vjeç, mbron nga kanceri i qafës së mitrës

Nga Ornela Joti
23 Janar 2024, 14:49 | Sociale

Për të parandaluar shfaqjen e kancerit të qafës së mitrës te gratë, Instituti i Shëndetit Publik nis fushatën e vaksinimit nga vajzat e reja. Duke filluar nga kjo javë, të gjitha vajzat e moshës 14 deri 20 vjeç kanë mundësi të kryejnë vaksinën katër valente të HPV, e cila siguron mbrojtje nga Human Papilloma, virusi shkaktar i kancerit.

Mbi 10 mijë doza vaksinë janë shpërndarë në të gjitha qendrat shëndetësore të vendit për fushatën e vaksinimit ndaj HPV. Ky proces do të vijojë paralelisht më vaksinimin e detyruar te vajzat 13-vjeçare. Referuar vendeve të tjera që prej vitesh e aplikojnë këtë vaksinë, specialistët e ISHP i presin rezultatet e saj pas një dekade.

Fushata e vaksinimit ndaj HPV për grupmoshat 14 deri 20 vjeç do të shtrihet gjatë gjithë vitit 2024. Ndërsa për vajzat  13-vjeçare ajo është e detyruar dhe do të vijojë sipas kalendarit. Kjo vaksinë e re, vetëm me një dozë, e cila aplikohet prej një viti në vendin tonë ka një mbulesë vaksinale nga 80% deri në 100% sipas qyteteve.

A2 CNN Livestream

Ditari nga Erion Dushi