Fotoja virale e tifozit polak, 60 euro biletë për ulësen e çuditshme në Olympiastadion

Nga A2 CNN
23 Qershor 2024, 18:18 | Live Euro 2024

Fotoja virale e tifozit polak, 60 euro biletë për ulësen e

Fotoja e një tifozi të kombëtares polake, realizuar në “Olympiastadion” të Berlinit gjatë sfidës Poloni-Austri është bërë virale në rrjet.

Nga ulësja për të cilën tifozi ka paguar 60 euro biletën, në të vërtetë nuk mund të shohësh lojën, pasi pamjen e bllokon një nga shtyllat e stadiumit.

Tifozi nuk e fshehu aspak revoltën për këtë gjë, duke postuar foton në Twitter pasi Levandovksi me shokë humbën 3-1 dhe u eliminuan të parët nga Euro 2024.

Një ngushëllim i vogël për tifozin fatkeq është se edhe të tjerët janë gjetur në të njëjtën situatë në stadiumin e Berlinit që është ndërtuar në vitin 1936 për Olimpiadën Naziste.

Me kalimin e viteve impianti i është nënshtruar mirëmbajtjes, por teknikët nuk kanë mundur të kryejnë ndërhyrje masive, pasi godina është një monument, forma e të cilit nuk mund të modifikohet.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli 2024