Sondazh: Sa prezent është aktiviteti fizik në përditshmërinë tuaj?
  • Çdo ditë 42%
  • Tre herë në javë 25%
  • Vetëm në fundjavë 8%
  • Asnjëherë 25%

Brazili shkarkon trajnerin, del emri i zëvendësuesit

Nga A2 CNN
5 Janar 2024, 22:58 | Futboll

Brazili shkarkon trajnerin, del emri i zëvendësuesit

Brazili është sërish pa trajner pasi Ednaldo Rodrigues, i zëvendësuar këtë të enjte nga drejtësia e vendit si President i Konfederatës Braziliane të Futbollit (CBF), vendosi të shkarkojë Fernando Diniz.

Diniz shërbeu si trajner i përkohshëm i “Canarinha” dhe e kombinoi këtë post me atë të trajnerit të Fluminenses, ekip me të cilin fitoi Kupën Libertadores dhe ishte finalist në Kupën e Botës për Klube.

Dorival Júnior, trajneri i São Paulo, është favoriti për të pasuar Diniz dhe për të udhëhequr Brazilin në Kupën e ardhshme të Amerikës, pasi Carlo Ancelotti, i shumëdëshiruari nga Ednaldo Rodrigues, rinovoi kontratën me Real Madridin deri në vitin 2026.

Sipas “Gazeta Esportiva”, São Paulo ka nuk ka asnjë qëllim për të lehtësuar largimin e Dorivalit dhe nëse CBF e dëshiron atë si trajner, do t'i duhet t'i paguajë klubit pothuajse 400 000 euro për të ndërprerë kontratën e tij.

Diniz firmosi me Brazilin më 4 korrik për një vit si trajner i përkohshëm, por rezultatet e dobëta e kanë penguar atë të përmbushë kontratën. Në gjashtë ndeshjet që ishte në krye të Brazilit ai mundi të arrinte vetëm dy fitore, kundër Bolivisë (5-1) dhe Perusë (0-1). Brazili barazoi në shtëpi kundër Venezuelës (1-1) dhe humbi tre ndeshjet e fundit, kundër Uruguait (2-0), Kolumbisë (2-1) dhe Argjentinës (0-1).

Pas gjashtë ndeshjeve, Brazili zë vendin e gjashtë në kualifikueset e Amerikës së Jugut për Kupën e Botës 2026, me vetëm shtatë pikë, larg nga Argjentina kryesuese (15) dhe Uruguai (13).

 

 

 

A2 CNN Livestream

Ditari nga Denisa Pasholli