Gjendet trupi i pajetë i një tifozi në stadiumin “Maradona”

Nga A2 CNN
30 Tetor 2023, 14:39 | Futboll

Gjendet trupi i pajetë i një tifozi në stadiumin

Një ngjarje tragjike ka ndodhur pas sfidës Napoli-Milan, me trupin e një burri 42-vjeçar që u gjet i vdekur në një parkim të stadiumit “Diego Armando Maradona”.

Sipas mediave italiane, trupi i pajetë u zbulua pas orës 02:00 të mëngjesit në një zonë të braktisur nën sektorin e mysafirëve të stadiumit. Sipas raportimeve të policisë, dy persona pa bileta po tentonin të futeshin te tribunat përmes një tuneli.

Shoku i viktimës ka parë hyrjen e bllokuar dhe vendosi të hiqte dorë, ndërsa 42-vjeçari ka kaluar i pari, por pasi është ngjitur ka rënë nga një lartësi rreth 20 metra dhe ka gjetur vdekjen.

 

A2 CNN Livestream

Debat - nga Alba Alishani