Sondazh: Çfarë ju pengon për t'u ushqyer shëndetshëm?
  • Çmimet e larta 93%
  • Mungesa e kohës 0%
  • Mungesë motivimi 7%
  • Lodhja fizike 0%

Shorti i 1/16 të Europa League, zbulohen rivalët e mundshëm të Milanit, Romës e Atalantës

Nga A2 CNN
23 Shkurt 2024, 08:27 | Futboll

Shorti i 1/16 të Europa League, zbulohen rivalët e mundshëm

Pas Atalantës, Milani dhe Roma gjithashtu arrijnë në raundin e 16-të të Europa League (pasi eliminuan Rennes dhe Feyenoord me penallti) dhe për këtë arsye do të përfshihen me skuadrën e Bergamos, në vazot për shortin e planifikuar për të premten, më 23 shkurt, në orën 12:00, në Nyon, ku përfshihen 16 ekipe: fituesit e tetë grupeve do të përballen me fituesit e “play-off”-it.

"Kuqezinjtë" dhe "verdhekuqtë" do të luajnë kundër një prej goglave, përveç Atalantës, duke qenë se në këtë pikë të kompeticionit nuk mund të ketë derbi: për të dy, kërcënimi numër një quhet Liverpool, por kushtojini vëmendje edhe Bayer Leverkusenit, liderëve të Bundesligës dhe Brighton me trajner Roberto De Zerbi. Rivalët e tjerë të mundshëm për Milanin dhe Romën: West Ham, Rangers, Slavia Prague dhe Villarreal.

Atalanta, e cila fitoi grupin e saj, do të përballet me një nga skuadrat që kapërceu pengesën e “play off”-it, përveç Milanit dhe Romës. Kundërshtarët e mundshëm të skuadrës së Gasperinit në fazën e 16-të janë Benfica, Sporting Lisbonës, Freiburg, Qarabag, Marseille dhe Sparta Pragë.

Ndeshjet e para të 1/16-ave të Europa League janë planifikuar të zhvillohen më 7 mars, ndërsa ato të kthimit më 14.

Të premten në orën 13:00 edhe Fiorentina do të njohë kundërshtarin e saj në fazën e 16-të të Conference League: në kuti tetë goglat që fituan grupet (përfshirë violën) dhe skuadrat nga niveli i dytë që mundën kundërshtarët e tyre përkatës në “play-off”: Molde, Olympiacos, Royal Union Saint-Gilloise, Sturm Graz, Maccabi Haifa, Ajax, Dinamo Zagreb dhe Servette do të përballen me skuadrën e Vincenzo Italianos. Ndeshja e parë do të luhet më 7 mars, ndërsa kthimi një javë më vonë.

A2 CNN Livestream

Ditari nga Denisa Pasholli